Ang Innersloth dedikado sa paghatag og luwas, makalingaw ug makapadasig nga space para sa among komunidad sa pagdula sa among duwa. Kitang tanan responsable sa pagbuhat ug pag-ambag sa usa ka positibo nga komunidad, mao nga palihug isinati ang imong kaugalingon sa Code of Conduct ug pakig-uban sa paagi nga mapakita ang mga bili ug mga responsibilidad niini. Duna kay tulubagon para sa imong mga lihok bisan pa kung kini nabasa nimo o wala. Kon ikaw nagdula sa among duwa o nagchat online, gusto namong makita nga gipalipay ninyo ang usag usa ug makig-uban.
MGA GIDAHUM
Tanan namong mga player angayan nga mahimong kabahin sa among komunidad ug magdula og Among Us nga gawasnon gikan sa pagsamok, abuso, ug pagdumot. Apan, mao kana ang kinaubsan nga gidahum. Gidasig namo ang tanang mga player sa pagbuhat nga magkauban para mapugngan ang kadaot ug makahimo og usa ka positibo nga palibot para sa tanan. Aron makahimo og usa ka maayong kasinatian sa dula ug mas maayong komunidad, isinati ang imong kaugalingon sa mga punto sa ubos. Hinumdumi nga ang mga pagkadili matinuoron nga report o pag-abuso sa bisan unsang mga kamandoan muresulta sa pagpatuman sa mga sangputanan.KINAIYA
Gihangyo ka namo nga magmahigalaon, matinahuron, ug maayo kaayo sa usag usa sa dula – Bisan kana pinaagi sa text o voice chat. Imo kini nga komunidad sama sa amoa! Ania ang pipila sa mga dili kompleto nga mga pananglit sa kung unsaon nimo paghimo og mas maayo nga kasinatian sa player: :)- Ang pagkamahigalaon kay usa ka kanunay, aktibo nga paningkamot. Pagdawat sa mga abilidad sa ubang mga tawo, paghawid sa usag usa nga may tulubagon, pagtinabangay, ug pagdasig sa usag usa.
- Kung gisultihan ka sa pag-undang og gamit sa usa ka termino sa panahon sa dula, undang na, bisan pa wala nimo gihunahuna nga kini makadaot! Ayaw hunahunaa nga ang tanan kanunay nga nakasabot sa imong katuyoan o kahulugan – kita dunay usa ka global nga komunidad.
- Pagtahod sa mga utlanan sa mga tawo ug angkona ang imong sayop. Kung dunay nasilo tungod sa imong lengguwahe, ang pagpangayo og pasaylo kanunay nga maayong paagi sa pagpahupay!
- Kung ikaw gisinamok, among girekomendar nga ikaw moatras, moreport og mobiya. Dili sila takos sa imong emosyonal nga kusog ug kasagaran kini musangpot sa dugang nga pagsinamok kung dili madumala og tarong.
- Ayaw gayud pagbuhat og madumtanon, mapihigon, o nagpakaulaw nga mga komento sa kinatawhan sa usa ka player, pagpahayag sa kinatawhan, sekswal nga oryentasyon, mental o pisikal nga abilidad, rasa, kaliwatan, nasyonalidad, relihiyon, socioeconomic nga baruganan, o kon dili. Kini naglakip sa mga micro-aggression (maliputon, dili direkta nga diskriminasyon.)
- Mga paghulga og pagsinamok kay dili ikapasaylo. Paghunahuna nga kini sila “usa lamang ka joke” o “dili nako intensyon” kay dili dawaton.
- Ayaw paggawi sa dli angay. Mga sekswal nga sugyot, bullying, ug uban pang porma sa dili maayong pamatasan kay dili dawaton.
- Ayaw gayud “siloti” ang usa ka tawo sa wala nila pagsunod sa imong paagi sa paghunahuna. Ang Among Us kay mahitungod tanan sa pagpanglimbong, mao nga ang pagkasayop sa mga butang kabahin sa kalingawan! Kung napakyas na sa pagdula sa duwa, pahulay sa. OK ra nga mohawa ug mobalik sa duwa unya.
PAGKALUWAS & PAGKAPRIBADO
Importante nga kanunay hinumduman ang nag-unang mga luwas nga gawi sa internet. Hinumdumi, sa dihang anaa na sa internet, dili na kini mawala. Ania ang mga dili kompleto nga pananglit sa kung unsaon nimo para makabaton og mas luwas nga kasinatian sa dula: :)- Pagpili og lig-on nga mga password, hupti nga luwas ang imong device ug i-report ang bisan unsang kaduda-duda nga aktibidad.
- I-on ang Paspas nga Chat o mga filter sa lengguwahe para ma-customize imong kasinatian sa chat.
- Kung duna kay makita nga usa ka tawo nga gisinamok, tan-awa kung makasuporta ka kanila pinaagi sa mga maayong pulong ug i-report ang dili maayo nga pamatasan. Mahimo kini nga mahinungdanon kaayo.
- Pag-amping sa pagpaambit sa bisan unsang personal nga impormasyon sama sa imong tinuod nga ngalan, asa ka nagpuyo, imong adlaw nga natawhan, numero sa telepono, mga email, mga social media handle, mga password, ug uban pa. ayaw pag-follow og mga kaduda-duda nga link.
- Ayaw pag-promote og bisan unsang delikado o ilegal nga mga aktibidad, lakip na apan dili limitado sa doxing, pag-abuso, sugal, paggamit og druga, phishing, pagdaot sa kaugalingon, ug uban pa. Kung nakita nimo kini nga nahitabo, i-report dayon kini.
- Ayaw pag-impersonate sa mga developer, mga streamer, mga artista, mga opisyal sa gobyerno, ug uban pa. Wala bisan kinsa sa Innersloth ang mangayo sa imong impormasyon sa in-game.
PADAYONA ANG KADASIG SA DULA
Ang usa ka dula maayo sama lamang sa komunidad niini, ug para masiguro nga ang tanan nalingaw sa usag usa, hinumdumi sa pagtinabangay ug pagsunod sa mga kamandoan sa pag-apil. Ania ang mga dili kompleto nga pananglit sa kung unsaon nimo para makuha ang labing kalingawan sa dula: :)- Pagdula pinaagi sa mga kamandoan sa grupo. Ang pagpanglimbong, pag-hack, griefing, ug parehas kay wala gitugotan.
- Pagdula sa imong role kutob sa imong abilidad ug tabangi ang uban nga makakat-on sa dula kung hangyuon ka.
- Ayaw pagbiya sa mga dula tungod kay wala nimo nakuha ang role nga gusto nimo o masuko kung ang usa ka tawo murag nakakuha og mas daghang role. Ang mga pagpili sa Impostor kay random.
- ayaw i-spam ang mga channel sa komunikasyon.
MGA PAGPASABOT SA REPORT
Dali ra nimong ma-report ang mga user pinaagi sa pag-click sa “Tangtanga” nga button kung muabli ka sa Chat sa dula.- Dili Angay nga Ngalan: Kung ang usa ka player dunay makadaot, toxic, o kon dili dili angay nga ngalan sa account.
- Dili Angay nga Chat: Kung ang usa ka player kay nang-spam o o nagbuhat og makapaubos, miapil sa susama sa dili pang-sports nga pamatasan, ug/o bullying.
- Pagpanglimbong/Pag-hack: Kung ang usa ka player nanglimbong, nang-hack, o gipahimuslan ang dula.
- Pagsinamok/Dili Maayong Pamatasan: Kung ang usa ka player nanghulga/nagsinamok sa usa ka indibidwal o grupo, nagbuhat og mga komentong sekswal nga sugyot, doxing, pag-promote og ilegal nga aktibidad, o pag-impersonate sa usa ka tawo.
SANGPOTANAN
Kung makalapas ka sa among code of conduct, mahimo namong i-restrict ang imong access sa dula ug sa komunidad. Gamita kini nga panahon sa pagpamalandong sa imong pamatasan nga miresulta niini nga pag-restrict. Naglaom kami nga makita ka nga nakakat-on ug milambo gikan niini! Hinumdumi nga kini nga listahan dili kompleto. Gireserba namo ang katungod sa pagpatuman niining Code of Conduct ug maghatag og aksyon sa pagdisiplina sa among kaugalingong kabubuto-on. Ang ban evasion dili gayod tugotan. Mga sangpotanan naglakip sa:- Temporaryo nga pag-ban: Mawad-an og access sa tanang mga online feature ug mga sistema sa temporaryong kadugayon sa panahon (tali sa 1 – 30 ka adlaw depende sa kagrabe sa paglapas), lakip ang laing mga account.
- Permanente nga pag-ban: Permanenteng pagkawala sa access sa tanang mga online feature ug mga sistema, lakip ang laing mga account.
- Sa tinuod lang ma-disappoint gayud kaayo ko sa imo.